|
大家小心 美容院黑店
有無人知到喺旺角柏裕中心20樓有間美容院叫The Spa House, 我想知佢總寫字樓电話, 因為我想投訴.以下係我今日嘅(糟)遇呀!!
上星期接到一個電話, 佢話有美容院叫 The Spa house (喺旺角栢裕中心) 做宣傳, call新客上去試做美容(有做面/spa/纖体,揀一樣), 因為佢哋好少做廣告, 志在宣傳一下. 咁見之前都見過廣告, 講到好正咁, 咪約咗今曰上去試做纖体囉.
一上到去見到問口啲裝修好靚, 之後個staff叫我入房填form, 填好後個staff就入房攞住張form係咁講, 又話好多毒素, 好有問題, 只有佢哋可以幫到你. 但係其他美容院一定会要你換衫度高磅重搞一輪, 佢哋只係睇你填張 form就知好多嘢, 包括身体狀況等, 好勁. 機都未試, 重係係門口reception旁邊房仔, 就即刻叫你join個成HK$30000(巳經係特价)嘅plan , 我話想試咗啲機先, 点知你用啲乜嘢機(因為連相都無得睇). 之後佢就帶我入房啦. 入面好大好靚好新, 啲房好大間, 好似酒店房, 有單位梳化同梳装枱. 但無衫比你換又無locker比你, 只係叫你坐係房入面除鞋除襪等人嚟.
等咗約2分鐘到, 我己feel到唔妥.正想著返鞋襪走人之時, 個纖体師就入嚟. 叫我除開褲頭瞓上床, 我問点解唔使換衫, 佢話我只係做肚, 所以唔使換 .
之後瞓上床, 佢就推一部黑色嘅機入嚟(佢話部機叫唔知乜嘢9喎), 有個大頭(有紅色同藍色光)会吸住同啜住啲肉, 夾到勁痛, 重要係乾做, 乜嘢啫喱或糕都無用, 乾做勁痛.佢同我做一邊肚10分鐘(全 part20分鐘), 重話唔会瘀, 只会少少紅遮. 佢叫我瞓喺到摸吓兩邊肚嘅分別, 同時之前個staff(佢話係顧問, 其實係sales)又入埋嚟, 係咁講好勁呀, 只係10分鐘就咁明顯, join (HK$30000)個plan一定可係减到28-35磅. 信我啦. 個師傅又講(係停晒手,我重有一半未做), 我話要諗吓先. 兩個人一輪咀咁講, 真係好想起身走mouth:, 但個sales企住係門口, 又話試做個師傅無人工白做, 即刻開course就再做埋做去水, 一定可以即時減2磅. (之前都無磅過, 点知減幾多磅呀?) 之後佢就係咁減价, 講啲平啲嘅plan, 最平約幾千蚊, 分期每月只係二佰幾蚊, 都可以一定減到10磅. 我係到諗緊, 佢就話出去 check价錢, 個師傅就繼續做埋另一邊肚. 個sales返嚟話講錯咗, 係每個月$500x24月(HK$10000). 一定減到10磅.
我問佢係咪包減, 佢立即改口話唔係, 要因人而異. 個師傅feel到唔掂, 即刻停手做收機幫口, 我係咁話唔制, 一路起身著褲著鞋襪, 攞手袋. 個sales即刻黑面, 又話個師傅白做, 叫我對自己好啲,每日除開都係十幾蚊, 咁都唔捨得. 我就同個師傳講唔好意思, 同sales講要諗吓(其實係對佢好反感). 佢重話無啦, 過咗今日就無得平. 我出大門口時聽到佢同個經理講:[經理唔好意思呀, 佢係貪........] 我出咗大門聽唔到佢講乜. 返到屋企沖涼時, 成個肚都瘀晒呀!!
重有呀, 之前填form嗰時, 填咗啲個人資料, 有ID No.又有電話, 会唔会俾人玩??有無人幫到我呀??
以上轉截至: http://www.baby-kingdom.com/forum.php?mod=viewthread&tid=1364272
| 大眾認同: 2 人 回應: 0 篇 觀看: 5351 次 |
|
|
| 誠信/專業性/廉潔 : | 4 |
| 服務態度/質量 : | 4 |
| 環境衛生 : | 沒意見 |
| 快捷速度 : | 沒意見 |
| 企業社會責任/良心 : | 沒意見 |
| 價錢 : | 沒意見 |
整體 4 分 |
|
