香港評級     為公義社會發聲! 登入       忘記密碼     註冊為會員    關於及聯絡我們 2024-03-29 08:22
熱門搜尋:   Nu Skin   Apple iPhone 5s   Samsung   色魔系列   電訊服務   中國打貪
登入 使用 Facebook 賬號登入
電郵 / 用戶名
密碼
自動登入 (30天)
註冊為會員       忘記密碼
登入
忘記密碼
電郵 / 用戶名
熱門分類 美容 婚嫁 色魔 餐廳 醫療 家電 機構 公務員 好人
  Abana Bridal Boutique (公司類別)  
行業類別 : 公關 婚禮 活動籌劃 (更多...)
分店/分支/地區 : 上環 Sheung Wan
聯絡人 :
聯絡方式 : 28543080
地址 : 中環 德輔道中84-86號 章記大厦 1304室
公司/機構網址 : http://www.abanabridal.com/
事件發生日期 : 2011-05-04
評論時間 : 2014-06-05 21:53
評論者 IP 地址 : (只限2星級會員可見)
評論者
admin
分享及收藏
沒有人情味 不近人情

結婚是人生大事,好應該開開心心,但係Abana婚紗店可以話破壞左我既開心情緒。

本人結婚當日,租用了 Abana的婚紗及晚裝。之前睇衫、試身,他們的服務是ok的。到還衫那天,店員下午2:40來電,說要3:00把衣服交回。當時我們已告知對方已在途中,因為我們擺酒的地方在九龍,所以要過海,加上當時路面多車,我告訴他們或遲8至10分鐘。對方竟說他們book了車收衫去洗,

而店員說:「如果洗衫公司架車走左,就要罰錢。」
我問:「咁架車通常幾點黎?」
店員話:「唔知架,三點幾啦,早既話可能三點三就到架喇。」

我聽到店員咁講,即刻叫先生盡量開快車,我先生已盡力趕去。我地怕塞車,已經行西隧,但到左永樂街,塞到唔郁,因為好多車落貨,又停係路邊,於是即刻打電話上去話我地已經係永樂街,不過好塞,當時係3點07分。

店員就話:「架洗衫車已經走左。」
跟住我問:「咁我地而家係咪要罰1500蚊?(每件衫500,我租左3件)我地已經趕過黎,而家係永樂街喇!只係差幾分鐘……」
店員就話:「我打比司機睇下架車係邊」之後佢3:09分再打黎,竟然話架車已經出左九龍!」
我說:「下…咁而家係咪即係要罰錢?我地只係遲左十分鐘……」
店員:「咁我打比Yvonne(老闆)問下,叫你先生上左黎先啦,都係樓下咯。」我就叫先生快d上去。跟住佢再打黎,同我講:「Yvonne話見我地遲左唔係好多,象徵式收返$1,000」(一分鐘罰100蚊,咁我係咪要多謝你?)

我先生抱住三袋衫氣來氣喘成身汗跑上去,店員就話我地遲左真係要罰錢,佢話架車走左冇辦法,我先生就話幫佢地車d衫去洗,店員話個度唔比其他車入,

我先生話:「咁我架車泊係出面,我個人行入去得唔得?」店員冇正面回應,又話d衫唔放心再比人攞出去(大佬!我有10,000支票係你度我都未驚啦!)。
我先生話:「咁你不如比個司機電話我,我直接聯絡佢啦。」
店員:「梗係唔得啦!」我先生話(的確有d忿忿不平):「2:40分個時,你明知我趕緊過黎架,你叫司機等我幾分鐘都ok掛?」
店員:「你知啦,d揸貨車既人好惡架啦,下面又泊唔到車。」(原來呢個世界真係惡就得!)經過多翻請求,我更在電話激到喊,佢仲話:「遲左1分鐘都係遲!」
店員又話「老實講,我地book架車要$800,公司象徵式收你200架咋。」(你地book咩車要$800?唔通你book架benz車d衫?)

最後因為我地實在仲有好多野要還,冇時間再同佢糾纏,結果都被罰左$1,000。我先生臨走同佢地講,你張單係有寫3:00前交回d衫,我頭先交返d衫比你,你都check左十幾分鐘啦!有乜可能架車book3:00係樓下等?(店員答唔到我!仲要架車3:09分已經過左九龍!)

我唔係一個無理取鬧既人,我地遲到左係唔岩,但係成件事比我既感覺係人情同常理上都有唔妥,我有種強烈被「屈錢」既感覺!我同先生取衫個日,發覺件婚紗正面明顯有被刮破既痕跡,d線仲爆左出黎,店員同我講叫師傅修補返。第一,店員係咪應該一早check左件衫ok先比d客?如果我冇發現到,還衫個時又要賠錢?第二,佢攞件婚紗去補,我同先生同另外一個朋友係樓下足足呆等左半個鐘頭,我一d怨言都冇(我真係本住唔計較既心態!)亦冇介意着一件有瑕疵既婚紗行禮(加上時間又太趕,我個日仲有好多其他野要攞!)我想問,我嗰半個鐘你有冇賠比我?

最後奉勸Abana一句,有規矩既公司可能有業績,有良心既公司才會長久。

以上轉截至: http://4marry.net/forum/thread-11430-1-1.html

 

大眾認同: 3 人       回應: 0 篇       觀看: 6115 次

誠信/專業性/廉潔 : 4
服務態度/質量 : 4
環境衛生 : 沒意見
快捷速度 : 沒意見
企業社會責任/良心 : 4
價錢 : 沒意見

整體 4 分
 

評論者沒有提供任何相關證據圖片

 
我對本評論認同度:   高分代表更認同評論者的內容
大眾認同度 : 9.3分 (3人)
相關評論
【濃情婚禮統籌 True Love Wedding Planner】 無信用
公司 - 公關 婚禮 活動籌劃
日期: 2014-06-06,   評分: 4,   大眾認同度: 9.9分 (8人),   回應: 1
【全為您婚禮統籌公司】 29座變24座 新車變臭車
公司 - 公關 婚禮 活動籌劃       關鍵字: 金都商場
日期: 2014-06-05,   評分: 4,   大眾認同度: 9分 (2人)
【玲瓏婚紗晚裝公司】 用粗口招呼客人!
公司 - 公關 婚禮 活動籌劃       關鍵字: 金都商場
日期: 2014-06-05,   評分: 1,   大眾認同度: 9分 (4人)
【以馬內利婚禮晚裝禮服租賃 Emmanuel Wedding】 前言不對後語,朝令夕改
公司 - 公關 婚禮 活動籌劃
日期: 2014-06-06,   評分: 4
【Heart Unique HK 姊妹裙】 姊妹裙黑店
公司 - 公關 婚禮 活動籌劃
日期: 2014-06-04,   評分: 4,   大眾認同度: 9.6分 (12人)
專題評論

冷氣機

除皺面霜

中國打貪

汽車

防毒軟件

手機 電訊

貓狗糧安全
請選擇評論類別