|
全程基本上冇人招呼
呢排噤凍, 突然好想打邊爐, 25/12果晚就同家人一行3三人去方X記.
其實由細到大都有幫襯開, 不過因為大個左, 工作時間長, 有好耐冇同家人一齊去, 無可否認佢個沙嗲真係幾好食, 我老豆都好鍾意食, 一食就食左幾十年, 但係今次真係不吐不快!
其實果道比較大眾化就個個都知, 好聽D講就係大眾化, 唔好聽D講就係雜, 唔係話我依家個人貴左, 我都只係一個普通打工仔, 只不過係佢地太過固步自封.果晚一去到門口, 就俾個金毛哥哥用老粗語氣問幾多位, 老實講, 不嬲都知果道係地茂D, 不過都唔好成班古蠱仔係門口吹水丫, 粗口爛舌, 有生客都唔敢入去幫襯啦, 財神見到到掉頭走, 果晚第一個感覺已經差左, 之後坐低, 都係叫果D野食啦.
沙嗲湯底-一貫水準, 好味
鱔片-一碟得4, 5片, 貴, 無味
乾吊桶-一碟6, 7片, 貴, 味道OK
手切牛肉-叫碟細手切, 我知, 係細D, 但係都舊幾水丫大佬, 你唔好俾D噤差GE牛肉我丫, 冇肉味, 又韌, 好差
四寶丸-呢個真係想拍檯, 我記得好清楚, 3粒魚皮搞, 3粉牛丸, 2粒白色方形果D魚蛋, 2粒豬肉丸, 全部都係現成野, 喂大佬, 收我幾條野碟4寶, 我知D食物成本上升左好多, 但係都唔好俾D現成野我丫, 食現成野我去7仔吉都得啦, 駛鬼俾幾條野你
咩, 4寶丸應該係手打蝦, 牛, 魚, 墨魚丸呀大佬, 差到爆炸!
豬粉腸-一般野
豬頸肉-一般野
枝竹-正常野
2支大啤, 酸梅湯1揸
係噤多
埋單5舊幾, 話貴又唔係認真貴, 平又一D都唔平, 3個人5舊幾唔係食唔起, 但係俾錢食D噤GE野, 噤GE服務, 噤GE衛生環境, are u kidding me?
全程基本上冇人招呼, 係得個啤妹問我飲唔飲啤酒, 加水都要叫幾次, 個場又唔係旺, 都唔明點解可以噤, 廁所又爛又臭又滑, 雖然係裝修過, 鋪內光鮮左, 但係依然係要坐到背頂背, 果晚我都俾人撞左幾次, 門口又成班金毛飛噤, 見到都唔開胃, 今時今日, 仲可以噤樣做生意真係勁!老實講, 俾得呢個價錢, 大把選擇啦, 駛鬼幫襯你咩?我去太子百X好過啦, 人地地方仲殘過你, 廁所仲爛過你臭過你, 仲貴過你, 但係人地D野係真係好食, 真係有心機做生意, 雖然人地D侍應都係老粗, 但係人地話頭醒尾, 真係識招呼, 老TIP我都俾多D, 洗錢我都洗得開心D, 睇下方X記食老本可以食得幾耐.
講完, 不喜勿插, 謝!
以上轉截至: http://www.hkepc.com/forum/viewthread.php?tid=2040021
| 大眾認同: 0 人 回應: 0 篇 觀看: 3898 次 |
|
|
| 誠信/專業性/廉潔 : | 4 |
| 服務態度/質量 : | 4 |
| 環境衛生 : | 沒意見 |
| 快捷速度 : | 沒意見 |
| 企業社會責任/良心 : | 沒意見 |
| 價錢 : | 4 |
整體 4 分 |
|
