以下轉截至: http://www.baby-kingdom.com/forum.php?mod=viewthread&tid=7811703

聯絡人：Rachel Lam (職員A) Faye Wong(職員B)

專長：反口覆舌 

強項：屈錢交行貨

本人親身經歷：事源由確認場地開始，係5月31日我親身上去該店了解，最初由職員A為我講解，收費方面小朋友每位$180（如要主題佈置則每位小朋友收多$30）成人每位$80，價錢已包場地、食物、佈置、攝影師和回禮禮物。當日我仲有兩個朋友在場，都聽得非常清楚，當時職員A還答應Banner印刷前會比我核對設計及內容先去印製，食物方面會給我餐單選擇，即日我便向職員A確認6月12日，10位小朋友連主題佈置+20位大人，並落了$1000訂金。

6月3日，我已將相片Email給職員A，到了6月4日，職員A再致電給我確認食物，她把食物餐單email給我，她給我的菜單有1-8 項，當中有些項目要二選一（見圖二）我即時已致電給職員A選擇我要的食物，我並提出花之戀壽司害怕會變壞可否轉其他，她建議可轉巴馬火腿，我答應了。繼而我便追查banner 的 設計圖，她回覆係會幫我跟進。
 
到了6月10日，大約12點到職員A再致電給我確認小朋友的性別，繼而她要求我要多付$700，因為當日係公眾假期（但落訂那天完全沒有提及），我再追問banner 設計圖，她便說要等banner送到先可以拍張照給我看，我驚訝咁問既然已印製，點會冇圖樣email比我而且我還未確認設計點解已印製，如果我不滿意設計怎辦，不久她send左一幅圖給我，設計簡直不堪入目（派對當日先發現呢個圖只不過印落A4咭紙上，而真正banner設計圖都係當日先見到，簡直係大開眼界，見圖三），我即回電講出我要改的地方，當時她都一一答應，最後我要求她找話事人致電給我解釋。

等到大約下午5時職員B打比我，她自稱是manager,首先她道歉一番，然後她解釋banner重造並不夠時間，要求妥協，然後再要求我照比假日額外收費，我當然沒有答應，因當時已對呢間公司完全失去信心，我要求職員B幫我核對之前已訂既食物，她便答應明早會email給我。
 
到了派對前一日，大約早上11時職員B致電給我，她口述左6款食物，然後我話應該有8款，並要求她即時email給我，她又答應。到了4點幾我先收email，我即時便發現其中兩款食物唔同左，由巴馬火腿和簿餅變成曲奇及蝴蝶酥，我立即打比佢問過究竟，她沒有接電話，我就一直打左好多次比佢，大約晚上7時職員B先接聽，我要求食物轉回巴馬火腿及簿餅給我，她又說安排唔到，最後大家僵持到8點左右，她只願意提供簿餅（pizzahut 細批一個給20個大人享用，見圖四）由於我唔想我個小朋友失望，臨時又搵唔到其他場地，只好妥協（她們也正是看到這一點），＂十萬個不願意＂：（
 
到了派對當日，冇攝影師，只有兩位職員在場，連生日蛋糕都係我地自己分，錢又識收足，真係咁好既服務唔知邊到搵。P.S. 我的朋友只用了4小時已幫我製作好靚靚易拉架，所以事實證明該店明知自己理虧都無諗過補獲，純粹係用最少付出來換取最大利益。
 
本人真係唔再有其他父母成為下一個受害者，此事千真萬確，絶無半點虛假，請記得叫你們的親朋戚友小心提防