香港評級     為公義社會發聲! 登入       忘記密碼     註冊為會員    關於及聯絡我們 2018-07-16 20:30
熱門搜尋:   Nu Skin   Apple iPhone 5s   Samsung   色魔系列   電訊服務   中國打貪
登入 使用 Facebook 賬號登入
電郵 / 用戶名
密碼
自動登入 (30天)
註冊為會員       忘記密碼
登入
忘記密碼
電郵 / 用戶名
熱門分類 美容 婚嫁 色魔 餐廳 醫療 家電 機構 公務員 好人
  HPC 電腦教育中心 HPCIT Education Center (公司類別)  
行業類別 : 教育 培訓 (更多...)
分店/分支/地區 :
聯絡人 :
聯絡方式 : 23959881
地址 :
公司/機構網址 : http://www.hpcphone.com.hk/
事件發生日期 : 2012-02-18
評論時間 : 2015-06-20 12:21
評論者 IP 地址 : (只限2星級會員可見)
評論者
[email protected]
分享及收藏
香港 手機維修課程 黑店 長沙灣 hpcit

各位朋友有冇人打算報讀長沙灣呢間( HPCIT Education Center )手機維修課程呢? http://www.hpcphone.com.hk/course.php?pid=916&t=4&p=course_time 如果有打算去報讀呢個課程嘅朋友,我會同你講一句,無謂浪費(金錢、時間、精力)去讀呢個冇任何得著嘅課程,因為呢間所謂嘅學校不論係( 師資、資源、承諾 )全部都有問題! 當你讀完呢間學校嘅課程出到嚟,你就會知道(外面係冇任何機構認可呢間學校發出嘅證書,同時亦證明你係唔會有能力整到手機),如果你錢多無地方洗,你又可以比兩萬幾蚊(連工具精神時間近三萬)去了解一部手機裝折,我唔會阻止你。如果唔係我就絕對唔建議各位浪費(精神、時間、金錢)去讀一個連五千蚊都俾多佢嘅興趣班! 以下我會分三節去講呢間所謂嘅學校問題之處... 1.全個課程分三個階段去教 第一個學期: 第一個學期要你先交一萬蚊學費,咁第一個學期共18堂,每堂3個鐘。 會教啲基本嘅電子理論(串聯、並聯、歐姆定律等等...)敎用他錶等工具,介紹一啲同手機維修無乜關係嘅野(電解電容等等...)。 跟住就用一堂考試一堂解卷同講解去華強北買工具事宜,之後就開始催你交第二期學費。 PS:全個課程會有兩次北上考察,但係去嘅地方都係去同一個地方(只係樓上同樓下之分)。 第二個學期: 第二個學期開始佢會俾部收音機你砌,淨砌收音機都你砌兩堂。(學手機變左去砌收音機) 砌完收音機初期都重未入正題,會用幾堂時間講啲手機理論野(收音機原理、網絡基站、手機發展史、手畫手機電路圖等等...)無錯係亞sir自己手畫手機電路圖。 要到中期時間,亞sir會派一個三星S2尾插(USB),講第二期考試會考焊呢個USB尾插(四針),同期教你處理入水機,正確啲講係話你知點處理入水機,係唔會實機俾你試。 依舊都係用一堂考試一堂解卷同講解去華強北買零件事宜,之後就開始要你交最後一期學費。 PS:但係今次考試就算考到100分都無用,因為( 四針尾插已經過時,個時手機尾插已經去到十一針 ),識焊四針尾插係未必焊得到十一針尾插。 第三學期: 當以為交埋第三期學費就會正式進入實戰期,但事實所謂嘅實戰會又係講多過做,會講好多問題解決方法俾你,但係唔會有實機俾你試,所以根本無法證實佢哋教你嘅方法係唔係真係得。 第三期開始會派一張iphone4底板圖同俾一堆iphone4散件及一部三星S2裝折俾大家玩吓,但係俾你拆嗰堆iphone4散件,排線已經無痴力及鏡頭係壞,只得一塊底版係著到機,得兩個mon係有野睇,如果整壞咗個mon重要賠200蚊,乜學費唔係包工具零件費咩,咁我交嗰二萬幾蚊到底包咗啲咩呢! 之後嗰幾堂敎( jb、root機、刷rom等軟件 )呢啲只要上Google都會搵到嘅野。 1.教你屏幕分離,教你界個mon出嚟!竟然係冇資源俾你痴番做mon上去,用兩塊玻璃痴住就叫界mon,連真mon都要自己帶返去界,界完之後重要冇模具俾你痴返個mon上去。 2.真真正正有得自己做嘅係( BGA焊晶片 )但係敎你焊晶片嗰位亞sir,連佢自己都唔成功,重有係香港係無人做呢種( 高風險低回報 )嘅技術,全部都係攞上去華強北做。 之後所教嘅嘢都係抄刻板多過佢所講嘅實戰,(第三學期學校所聲稱嘅實戰,亦變為抄刻板結束)。 最後嘅就業指導結果都只係去先達行個圈(我哋重變咗過街老鼠咁俾人趕),介紹去一間做翻新機嘅公司見工(做維修變咗做翻新鬼機…)而網站聲稱畢業後會推薦去( APPLE、SAMSUNG、HTC、MEIZU、先達 )全部都係假嘅,跟本無一間公司同佢有合作關係,拎住佢地張證書去見工完全係冇認受性同冇幫助,至於所謂嘅畢業後支援一樣都無做過... 當我哋認為課程不對辦,搵元校長理論,元校長講:我哋係唔會教晒你所有野㗎!你去讀醫都唔會一人一死屍啦!(收咗我哋每人兩萬幾蚊都可以話唔會教晒所有野俾你,咁讀嚟做咩呢!真係錢多冇地方洗咩!) 最後元校長承諾我哋班可以去佢鋪頭到實習,結果去咗兩次佢就會用任何方借口趕你走。 呢個元校長承諾過嘅事,佢都可以全部反口唔認數,完全無誠信可言,一個無誠信嘅人開嘅學校你有冇信心去讀。 所以係度再次提醒各位想報讀嘅朋友,小心呢間所謂嘅學校,我地10個人讀完9個都覺得完全冇用,如果真係想學手機維修,你可以試吓去(dcfever)買啲壞機再睇Youtube點做,可能重會學到更多實質野... 下次我會講呢間學校聲稱嘅師資到底有冇資格教你維修手機...
 

搜尋關鍵字: Hpc

大眾認同: 7 人       回應: 4 篇       觀看: 1387 次

誠信/專業性/廉潔 : 1
服務態度/質量 : 1
環境衛生 : 2
快捷速度 : 2
企業社會責任/良心 : 1
價錢 : 1

整體 1 分
 
 
我對本評論認同度:   高分代表更認同評論者的內容
大眾認同度 : 9.6分 (7人)
相關評論
【德貞幼稚園】 無論校長、主任同老師都可以咁無禮貌同咁不負責任
公司 - 教育 培訓
日期: 2014-07-24,   評分: 4,   大眾認同度: 8分 (1人)
【英藝國際教育機構有限公司 Zenith International Education Foundation Ltd】 新校舍未註冊 疑先收費
公司 - 教育 培訓
日期: 2014-04-10,   評分: 5
【聖若瑟英文書院 St. Joseph's College】 試卷英文文法錯漏百出
公司 - 教育 培訓
日期: 2014-06-20,   評分: 4,   大眾認同度: 9分 (2人)
【枫韵幼儿园】 西安上百家長抗議幼兒園私自用藥
公司 - 教育 培訓
日期: 2014-03-14,   評分: 4,   大眾認同度: 8分 (1人)
【香港中文大學 The Chinese University of Hong Kong】 年初向學生會表示兩地證書設計不同,現時又改變說法
公司 - 教育 培訓
日期: 2014-07-25,   評分: 3,   大眾認同度: 7.5分 (2人)
專題評論

冷氣機

除皺面霜

中國打貪

汽車

防毒軟件

手機 電訊

貓狗糧安全
回應
[email protected] (0星)
1
1 回應, 共 4 回應 2015-07-08 13:56       14.0.*.* (HK)
 
上次我講咗係呢間 Hpc it 學校讀手機維修課程基本經過,今次會講呢間學校聲稱嘅師資到底有冇資格教你手機維修... 課程基本主教 現時課程基本主教為(馬生、kin sir),全個課程近九成時間都係由馬生教,主要教理論同實戰,而kin sir係教軟件同裝拆。 1.)馬生 (Alex Ma) - 北大電子畢業,精通電子,多年手機維修教學經驗。(網站聲稱) 呢點我哋從來冇質疑(北大電子畢業)呢個資格,但係實際表現可唔可以去教學呢? 馬生係北大電子畢業起碼超過三十年,而電子科技係(日新月異),你遲一日學可能都會俾人淘汰,佢教學過時只講理論全無實戰能力,佢嗰套已經跟唔到現時水平,用過時嘅技術去維修現今手機真係可以做到?而且極其量只可以話佢係一個電工,佢唔係一個手機維修師傅,佢係唔識維修任何手機,我班同學亦帶過多部有問題手機返去維修,結果冇一部可以成功維修好,而且發現馬生教嘅方法好多都係錯又或者係網上資料,就連最基本焊尾插都教錯方法,已經可以確定馬生係唔可能教人維修手機!!! 2.)馮生 (Kin Sir) - 多年教學和手機維修經驗。(網站聲稱) 基本上只有四堂由佢教,佢會教你(解鎖、JB、ROOT、刷Rom等等…)手機軟件上問題,同裝拆iphone4及samsung s2呢兩部手機。 kin sir 馮生嘅堂基本上只需要用兩堂就可以上完,佢教你嘅嘢只要你上網搵都會搵到答案,根本就唔需要用四堂時間去話你知點上網搵資料,學校呢個安排根本就係浪費大家時間,而我亦從未見過 kin sir 係鋪有真正維修過手機,師資專業資格亦成疑! 至於裝拆呢啲過氣機王,係咪咁就等於可以拆到(iphone5、5s、5c、6、6+、s3、s4、s5、s6、note3、note4)之後進出嘅機種呢!答案係你無可能會拆得掂之後嘅機!(但係呢間學校嘅邏輯係可以。) 3.)學校校長元校長:一個全無誠信同滿口大話嘅人,係講座話會教你維修最新型號手機,又話學識維修手機之後就可以入行(到大公司就業或開鋪創業)月入五萬不是夢,又承諾會用學校所有資源及任何可行嘅方式去支援你確保你一定學識,但事實係到你交晒學費之後,佢會用任何借口去推你嘅要求,話呢樣唔得嗰樣行唔通,學費唔包教你呢樣,結果最後話搵幾萬蚊個月但事實係連九千蚊都無人請! 而且元校長好多聲稱都只係佢單方面講,從來提供唔到實際數據,如(學生會有好多機構聘請,有學生係手機廠外判商就業,好多人學得識呀!) 元校長最後重要反轉朱豬肚咁同我哋講:如果你哋到最後都係唔滿意嘅,你哋可以去消委會告我,我哋唔會再有任何安排同回應。呢個重係唔係一個作為教學者應有嘅態度。 (如果去消委會投訴係有用嘅,就唔會有咁多黑店昆水啦!) 就連考試都兒戲過人,考BGA焊晶片(將晶片焊返落部機唔著都有分,植珠靚一樣有分加),結果我考試有八十分,合格分數但係部機唔著嘅(手術成功不過病人死亡)俾你考到一千分都無用,分數同能力唔比成正比,根本無能力出去搵工,就連監考嗰個人只係咩都唔識嘅人,根本只係一場(自欺欺人)嘅考試。 下次我會講呢間學校所聲稱嘅資格有幾多係真。
回應
[email protected] (0星)
1
2 回應, 共 4 回應 2015-07-08 13:59       14.0.*.* (HK)
 
上次我講咗係呢間學校嘅師資係唔可以教到你維修手機,今次會集中講呢間學校聲稱嘅課程。 1.)課程專業程度 學校網站聲稱課程已經開辦超過三年開過五十班及有多間傳媒採訪,但事實就係連(課程文憑)都未得到政府認可,手機界亦無人承認呢間學校所有資格,你攞住呢間學校所發出嘅證書去見工,差唔多所有公司都唔會睇,連證書文憑都無認受性絕對談唔上專業可言! 而考試亦唔見專業,未能成功維修好嘅手機都一樣有分可以合格畢業,考試完全唔能夠反映學生質素,大部份畢業學生質素參差。 呢間學校(文憑証書課程)係從未得到政府認可,學校對課程任何聲稱都係空口講白話絕對不盡能信。用二萬幾蚊去讀一個完全保障唔到你讀完後嘅認可資格,呢個課程重值唔值二萬幾蚊呢!(如果我當日知道課程無得到政府認可我係絕對唔會讀。) 至於有多家傳媒採訪,其中(eduplus.hk)呢編訪問最後有一句(以上資料由客戶提供),好明顯係呢間學校賣嘅廣告,資料絕不可信。 2.)教材資源 係講座上元校長話會教你維修最新型號手機,而事實上只係拆啲過晒氣嘅機種,電子科技係日新月異,你慢一步都可能會俾人淘汰,但到今時今日都重攞(iphone4、i9100)等n年前機種做教材,而拆機環節係唔會有一部完整嘅機俾你拆只係一堆散件、無一部正常同完整,同聲稱嘅一人一機完全兩回事。 教屏幕分離,教學用嗰部界MON機老爺到已經無人用、除膠水、貼合用模具又唔齊全、連真MON都欠奉下又如何教學呢,最後無成功將屏幕貼合又可以用返落部機到。(現時外界已經好少人用水膠(UV)貼合,大多數已經用乾膠(OCA)貼合,但呢間校長話唔包教你乾膠貼合。) 焊四針尾插完全唔能夠用於現今尾插、就連教學最基本材料(小料板)都無提供,一間學校欠缺大量人材及教材情況下係絕對無可能做到教學。 3.)行業出路 呢間學校(星期一到日)都有開班,但事實上有幾多人真係可以成功入行呢,(每日班、三.五班、二.四班、星期日班)全部近二十人結果成功入行嘅人,都無六個,介紹我哋去見一間無打算請我哋做嘢嘅公司見工,聲稱會有手機鋪老細去學校當面同我哋面試結果完全無呢回事,至於網站聲稱可以(現有合作手機商、月入五萬、創業、基本支援)全部都係大話無一樣係真! 4.)證書認可程度: 網站聲稱(現有合作手機商如下- Samsung ( 怡和) 手機 / Meizu 魅族手機 / 先達 維修 / 深水埗維修場)事實係以上手機商全部都無合作關係只係呢間學校嘅虛假聲稱,政府都唔認可課程證書,咁以上公司又點可能會聘請連政府都唔承認資格嘅人。 注意:Samsung ( 怡和) 手機唔係香港三星電子有限公司。 5.)畢業後出路: 網站聲稱(出路怎麼樣? - 由於香港智能手機維修課程罕有,政府以至各大學都没有正式的課程,但需求人才會越來越多。除了可到各大機廠商(Samsung / HTC / LG / Apple ...),電訊商( 3 / Smartone / PCCW / ...) 和手機維修中心( 先達 / 鴨寮街..)見工,亦可自行創業。)小心取巧字眼佢無話攞住佢張證書見工係有用,佢意思係叫你自己去見工。 我就係咁俾呢間所謂嘅學校呃咗幾萬蚊,我的確係做咗水魚,不過都想提醒其他朋友唔好俾呢間黑店搵笨,手機維修係無得學,而係要自己去試,自己買啲壞機試吓自己做可能會學到更多嘢!
回應
[email protected] (0星)
1
3 回應, 共 4 回應 2015-07-09 12:29       14.0.*.* (HK)
 
今次就踢爆呢間黑店學校嘅新課(開手機店創業課程及智能手機工程師深造班)。 最初見到呢兩個課程真係得啖笑,其實呢間黑店係半年前真係有間鋪叫(賽嘉智能科技)係長沙灣,但係呢間鋪開唔夠一年就結業,佢連自己間鋪都搞唔掂,宜家重夠膽死走出嚟話教你開鋪。 唔好咁輕易就真係開間鋪,會俾呢間黑店害死。 至於智能手機工程師深造班,呢個班教嘅嘢根本就係第一個課程就要教,宜家拆開兩班嚟教收多一次錢,最重要係佢連第一班都教唔掂重開深造班去誤人子弟,我相信讀過呢個課程嘅人都一定唔會讀呢個深造班,我哋連線路圖都未識睇重點飛線呀! 除非嗰個係白痴,如果唔係一定唔會俾同一間黑店呃兩次咁多。
回應
[email protected] (0星)
1
4 回應, 共 4 回應 2017-03-09 07:29       162.158.*.* (US - San Francisco)
 
首先,我亦是其中一名受害者,去年畢業的,但如果報名前見到你的文章,就一定不會報讀這間黑店!就不用浪費時間和金錢,換來一肚子氣,我完全同意你大部分觀點,你中肯地描述了這間黑店的問題和騙人手法!
回應: [email protected]於 2015-07-08 13:56 發的貼 (第1個)
上次我講咗係呢間 Hpc it 學校讀手機維修課程基本經過,今次會講呢間學校聲稱嘅師資到底有冇資格教你手機維修... 課程基本主教 現時課程基本主教為(馬生、kin sir),全個課程近九成時間都係由馬生教,主要教理論同實戰,而kin sir係教軟件同裝拆。 1.)馬生 (Alex Ma) - 北大電子畢業,精通電子,多年手機維修教學經驗。(網站聲稱) 呢點我哋從來冇質疑(北大電子畢業)呢個資格,但係實際表現可唔可以去教學呢? 馬生係北大電子畢業起碼超過三十年,而電子科技係(日新月異),你遲一日學可能都會俾人淘汰,佢教學過時只講理論全無實戰能力,佢嗰套已經跟唔到現時水平,用過時嘅技術去維修現今手機真係可以做到?而且極其量只可以話佢係一個電工,佢唔係一個手機維修師傅,佢係唔識維修任何手機,我班同學亦帶過多部有問題手機返去維修,結果冇一部可以成功維修好,而且發現馬生教嘅方法好多都係錯又或者係網上資料,就連最基本焊尾插都教錯方法,已經可以確定馬生係唔可能教人維修手機!!! 2.)馮生 (Kin Sir) - 多年教學和手機維修經驗。(網站聲稱) 基本上只有四堂由佢教,佢會教你(解鎖、JB、ROOT、刷Rom等等…)手機軟件上問題,同裝拆iphone4及samsung s2呢兩部手機。 kin sir 馮生嘅堂基本上只需要用兩堂就可以上完,佢教你嘅嘢只要你上網搵都會搵到答案,根本就唔需要用四堂時間去話你知點上網搵資料,學校呢個安排根本就係浪費大家時間,而我亦從未見過 kin sir 係鋪有真正維修過手機,師資專業資格亦成疑! 至於裝拆呢啲過氣機王,係咪咁就等於可以拆到(iphone5、5s、5c、6、6+、s3、s4、s5、s6、note3、note4)之後進出嘅機種呢!答案係你無可能會拆得掂之後嘅機!(但係呢間學校嘅邏輯係可以。) 3.)學校校長元校長:一個全無誠信同滿口大話嘅人,係講座話會教你維修最新型號手機,又話學識維修手機之後就可以入行(到大公司就業或開鋪創業)月入五萬不是夢,又承諾會用學校所有資源及任何可行嘅方式去支援你確保你一定學識,但事實係到你交晒學費之後,佢會用任何借口去推你嘅要求,話呢樣唔得嗰樣行唔通,學費唔包教你呢樣,結果最後話搵幾萬蚊個月但事實係連九千蚊都無人請! 而且元校長好多聲稱都只係佢單方面講,從來提供唔到實際數據,如(學生會有好多機構聘請,有學生係手機廠外判商就業,好多人學得識呀!) 元校長最後重要反轉朱豬肚咁同我哋講:如果你哋到最後都係唔滿意嘅,你哋可以去消委會告我,我哋唔會再有任何安排同回應。呢個重係唔係一個作為教學者應有嘅態度。 (如果去消委會投訴係有用嘅,就唔會有咁多黑店昆水啦!) 就連考試都兒戲過人,考BGA焊晶片(將晶片焊返落部機唔著都有分,植珠靚一樣有分加),結果我考試有八十分,合格分數但係部機唔著嘅(手術成功不過病人死亡)俾你考到一千分都無用,分數同能力唔比成正比,根本無能力出去搵工,就連監考嗰個人只係咩都唔識嘅人,根本只係一場(自欺欺人)嘅考試。 下次我會講呢間學校所聲稱嘅資格有幾多係真。

 

請選擇評論類別