永情婚紗 Envi Bridal -香港評級- 老闆老闆娘兩人態度180度轉變

香港評級為公義社會發聲！

2020-07-08 07:31

熱門搜尋: Nu Skin Apple iPhone 5s Samsung 色魔系列電訊服務中國打貪

	登入

熱門分類

永情婚紗 Envi Bridal (公司類別)

行業類別 :	公關婚禮活動籌劃 (更多...)
分店/分支/地區 :	觀塘 Kwun Tong
聯絡人 :
聯絡方式 :	23459148
地址 :	觀塘開源道55號開聯工業中心 A座 425室
公司/機構網址 :
事件發生日期 :	2012-07-24
評論時間 :	2014-05-13 01:26
評論者 IP 地址 :	(只限2星級會員可見)

評論者

admin

分享及收藏

老闆老闆娘兩人態度180度轉變

準備結婚既你，如果對在觀塘工業區的這間鋪有興趣，一定要睇以下內文，否則隻會好似我地咁中伏，唔見錢之餘亦無咗唔少精神同時間。千萬唔好因為平價而吸引，最終導致得不償失。

由於這間鋪不負責任的態度實在令我地感到太失望，我地已分別向消委會及壹週刊作出投訴（詳見附圖）

以下系我地既親身經歷：

我系網上見到這間鋪既宣傳，就同老公上去間樓上舖睇衫，雖然眼見隻有一兩件合心水，但由於當時老闆同老闆娘既態度好熱情，所以我地開始傾package。我表示大部衫都系公主泡泡裙款，A-line極少，但當時老闆娘遊說我地：「我地隻系剛剛開業，款式未齊架，唔通我地隻系做一類既客咩，個個新娘都想多D唔同既裙款的，不用擔心，遲D實選到的」。重話每一兩個月就會返新貨，會有好多新衫，A-line當然都會返，又可以無限轉款，上網亦可以揀衫款。當時我正在考慮中，但老闆娘再次遊說：「遲少少揀都不成問題，實揀到的，仲話優惠唔系成日有。(註意：佢地sell客手法系，話自己系啱啱結婚，系過來人，會俾好多建議你，令你會覺得佢地好為新人著想同埋好似識好多嘢咁。而且，呢間鋪其實長期都做優惠的！！！)我地個package系可以造租（自訂款式）一套衫既，由於個package幾吸引，所以我地即時全數full pay（必須）。

我既惡夢亦從此開始喇，當我幾個月後約時間上去睇衫時，佢地成日都話full booking，無時間俾到我，當我終於約到上去啦，又發現所謂既「新衫」數量是幾隻手指都數得出，仲要又系泡泡裙，A-line唔見影。至於做租個套就俾左參考圖佢地，但未開始度身做。

呢個時候，老闆老闆娘兩人態度180度轉變，上到去同你打個招呼後就唔點理你，亦無傾過造租衫設計圖，呢d系咩服務？我知道人人有情緒，我要體諒下佢，但傾多幾次都系咁，唔通我真系攞苦黎辛，貼錢買難受？我睇在自己俾左錢份上，忍。

呢個期間佢地唯一可取既地方系：之前應承左俾我著去pre-wedding套婚紗，我們也可租用，這亦是我地唯一用既衫。當距離BigDay隻有3個月時，作為新人，面對好多繁瑣既婚禮事項，仍然要為著呢間舖既所謂承諾究竟能否兌現而煩惱，實在萬般不想，但卻要硬著頭皮去處理！！(所以，大家真系要三思啊) 當然，結果都系失望啦，我再打電話想約上去睇新衫，問及有關返新貨既時間時，老闆娘突然系電話度講：「我覺得同你合作唔到，我退錢俾你啦。」我立刻答好，咁退錢當乜事都無發生過！反正佢地服務態度咁差。

之但系，過兩日老闆主動打電話話可退錢，但要扣番pre-wedding個套衫錢，OK我明白，呢個系我應該俾既。另外仲要扣埋做租新衫個套錢！再加埋我上去試衫既「服務」而涉及的行政費用，總共$XXXX，嘩，禁住黎搶呀！都未做租就要扣錢？設計圖都完全未傾過，再者，所謂行政費，你話值幾多都得啦，試問我唔試衫，又如何租衫呢？這本來就系一個連帶既服務，又如何可以拆開計呢？完全系「歪理」！我當然唔肯啦，咪同佢理論囉，前前後後都理論左成半個月，我一蚊都仲未收到，在無助之際，我唯有上消委會投訴，消委會接觸過佢地，但佢地回覆消委會話：佢地唔系無俾服務我，系我唔用者，完全唔記得系佢地自己主動提出唔合作！！！講大話唔駛本

我隻好即時搵過曬d 衫，幸運地，我終於搵到自己鍾意既衫，雖然系俾左double錢，但最重要系自己鍾意之餘亦享受到應有既」service」。依家我都結左婚，我真系覺得自己好蠢，信錯呢間公司，搞到自己浪費咗唔少精神和時間，真系不值。

總結

其實結婚系一件開心事，點解做生意要做到咁樣？婚嫁行業應該系一個祝福既行業，佢地咁樣欺騙顧客，前言不兌後語，真系行業之恥。

佢地話會不斷返新衫，但其實佢地唔系好多衫可以俾人揀，年中又有咁多新人，你點可以咁容易揀到自己鍾意既衫丫？你揀左佢分分鐘又會話有人mark左，無期，事實上，佢地d衫既總數根本唔足以應付所有客人。想揀到岩心水既衫？想轉款？除非你系新客啊。

以我所知，我唔系第一個，我朋友都中招，又系join後揀唔到衫，之後約唔到上去睇，莫講話轉款，連睇衫既時間都無。最終都系搵過另一間公司提供新娘衫！之但系我朋友搵人打上去扮新客，又唔知點解可以好快咁約到時間上去睇，由此可見，俾錢前同俾錢後既待遇的確唔同。

大家試想想：如果我地唔系憤怒到極點，又點會投訴完消委會後又搵傳媒幫手？因為這間鋪的服務態度真的令人太失望了，大家千萬不要為慳少少錢而搞到自己一身蟻。以我所知，仲有唔少客人遇到類似情況，隻是因為Join了而敢怒不敢言，大家可以上esdlife就知。我都預咗出呢個post後，老闆娘會「化身」不同既身份作「澄清」和「回應」（好低手），眼睛雪亮既你一睇就會明白。

講到呢度，我地都舒了一口氣，最後，希望大家可以廣傳這個post開去，讓你身邊準備結婚的新人瞭解香港有如此的一間「婚紗黑店」，最後祝大家搞結婚順順利利，開開心心！

以上轉截至: http://www.marry2.com/vc/blog/10510

大眾認同: 22 人回應: 1 篇觀看: 6637 次

誠信/專業性/廉潔 :	4
服務態度/質量 :	4
環境衛生 :	沒意見
快捷速度 :	沒意見
企業社會責任/良心 :	沒意見
價錢 :	沒意見
整體 4 分

我對本評論認同度:

高分代表更認同評論者的內容

大眾認同度 : 9.6分 (22人)

相關評論

	【世紀婚禮服務有限公司 Century Wedding】中港城黑店
	公司 - 公關婚禮活動籌劃
	日期: 2014-05-05, 評分: 4, 大眾認同度: 8分 (1人)
	【濃情婚禮統籌 True Love Wedding Planner】無信用
	公司 - 公關婚禮活動籌劃
	日期: 2014-06-06, 評分: 4, 大眾認同度: 9.9分 (8人), 回應: 1
	【Heart Unique HK 姊妹裙】姊妹裙黑店
	公司 - 公關婚禮活動籌劃
	日期: 2014-06-04, 評分: 4, 大眾認同度: 9.6分 (12人)
	【玲瓏婚紗晚裝公司】經營手法極有問題
	公司 - 公關婚禮活動籌劃關鍵字: 金都商場
	日期: 2014-06-05, 評分: 3, 大眾認同度: 9.5分 (6人)
	【顯卓婚紗晚裝公司 Supreme Evening Dress Co】海鮮價
	公司 - 公關婚禮活動籌劃
	日期: 2014-06-06, 評分: 4, 大眾認同度: 10分 (1人)