香港評級     為公義社會發聲! 登入       忘記密碼     註冊為會員    關於及聯絡我們 2024-03-28 22:32
熱門搜尋:   Nu Skin   Apple iPhone 5s   Samsung   色魔系列   電訊服務   中國打貪
登入 使用 Facebook 賬號登入
電郵 / 用戶名
密碼
自動登入 (30天)
註冊為會員       忘記密碼
登入
忘記密碼
電郵 / 用戶名
熱門分類 美容 婚嫁 色魔 餐廳 醫療 家電 機構 公務員 好人
  有線寬頻 i-CABLE (服務)  
服務類別 : 表演 娛樂 電影 藝術 (更多...)
服務提供者 : 香港有線電視 CABLE TV Service (更多...)
服務網頁 : http://www.cabletv.com.hk/ct/broadban
服務使用地區 : 香港 Hong Kong
單據參考編號 : 評論者沒有提供
服務使用日期 : 2010-01-01
服務價錢 :
使用年期 : 4
評論時間 : 2014-06-04 15:44
評論者 IP 地址 : (只限2星級會員可見)
評論者
admin
分享及收藏
超級惡評 勸大家唔好貪便宜

呢件事唔有趣...亦都唔係gag... 而係一件好過份既事, 呢間公司我覺得佢地好快會執笠

好耐之前有日有個有線既人上門黎sale寬頻, 果時我同阿哥兩部電腦用一條線(唔記得用緊邊間,但當時就快約滿)...搞到上網好慢, 所以阿媽話想用兩條寬頻線, 果個sales就話冇問題~可以整兩個獨立寬頻機, 價錢方面阿媽覺得ok so簽左contract

之後過左幾日...有線就有人打黎話"一間屋只可以同時裝一個寬頻機,所以唔可以俾到一屋兩寬頻你地", 我阿媽就好慶啦~因為簽約果時寫到明係一屋兩寬頻架嘛, 不過條友就話~俾返條電話線你地用啦,最多送埋來電顯示俾你地, 咁岩果時屋企電話同pccw就快約滿..咁簽左約冇理由唔用架嘛,所以阿媽就將屋企電話轉左用有線, 之後過左唔夠兩個月...冇左來電顯示功能, 阿媽就打去有線問點解啦, 個接線生唔知咩職位..暫時叫佢做有線員工

阿媽:"之前又話有來電顯示功能..點解而家冇左既"
有線員工:"話明係送架嘛~我地鍾意送到幾時咪幾時囉!"
阿媽:"咁你地送完都要通知我一聲掛?!"
有線員工:"都講左係送架囉~我地唔會通知你幾時送完架喎"

我唔知點解d人可以咁臭串...d語氣擺明係搏炒囉我覺得, 呢樣都算喇.. 電話線成日都用唔到...傾傾下電話都可以斷線
有時直情成日都用唔到屋企電話, 我唔知點解d線路可以咁渣,連屋企電話都可以打不到出街, 搞到人地打黎屋企搵唔到我地,結果佢地寧願打我地手提, 咁屋企電話要黎做乜?

再講返寬頻方面, 我自從用有線寬頻以來, 經常冇端端上唔到網, 仲要係星期6&日先係咁, 我返果份工係放星期6&日, 放假先上唔到網, 而且唔關道路維修果d事, 再者同一幢樓既幾位朋友都用有線寬頻, 我次次上唔到網都打俾佢地問佢地上唔上到, 佢地都話冇問題仲好順添, 搞到次次我都要打去有線問, 佢地次次都話唔知係咩野問題搞到你上唔到...然後約師傅上黎睇睇個寬頻機有咩事, 通常都係星期6上不到...到星期日下午先上到, 大佬阿人地放假先有得玩你咁樣人地點玩阿..
一個月得4個星期6,起碼兩個星期6係上唔到網囉, 有次師傳上到黎睇...都話寬頻機冇事~好正常... 我就諗住用到約滿就算喇唔會再續約...因為真係好廢

但係一簽就簽1年半既約...d客人點會記得幾時到期? 唔會有人日日睇住張合約掛, 就係咁樣我阿媽唔記得左, 到約滿之後果個月....本來一個月百幾蚊...突然間變左200幾, 我阿媽又打上去問啦...

阿媽:"做咩冇啦啦收我200幾...我不嬲一個月都係交開100幾咋喎"
有線員工:"唔好意思阿你個合約到左期架喇但係你冇續約又冇cut服務所以我地會收返你正價"
阿媽:"你地唔會通知客人合約到期架咩??而家好多電話公司都會打黎同我地講架喎~大佬阿1年半前既野點會記得呀??"
有線員工:"我地唔會通知客人架喎~通常係要等客人自動聯絡我地續唔續約架"
阿媽:"咁我唔續約~你地可以即時cut左條寬頻線姐"
有線員工:"唔好意思阿我地唔會cut架...一定要客人通知我地,我地先會cut"
阿媽:"咁我唔續約喇..我交埋呢次錢你地幫我cut左佢啦!!"
有線員工:"小姐~如果你要cut服務,我地需要6個星期去處理~所以你仲要交多兩個月錢"
阿媽(發火):"合約滿你又唔通知~冇啦啦收多我錢我都算喇,而家想cut又要6個星期~焗人地交多兩個月~你地唔好去搶??!!"
有線員工:"唔好意思阿呢個係公司規矩~但係如果你而家續約~咁下個月你又可以交返百幾蚊~"

於是逼於無奈阿媽唯有同佢地續多1年半,因為唔想益佢地, 我心諗...點解續約唔駛6個星期cut服務就要??真係好過份囉呢間公司

之後到左今次地震震斷光纜事件, 我到而家連msn都未上到, 淨係可以上到yahoo同2000fun, 本來我就有玩開台灣既online game...都搞到上唔到, 但係我阿哥用緊新世界寬頻就上到~人地都係貴多幾十蚊但係質素真係好好多, 我好唔鋸所以又打去問

我:"我想知幾時先可以上到台灣網"
有線員工:"因為光纜斷左6條..仲未維修好~所以暫時上唔到台灣既網站~至於幾時上到~你要留意返新聞報道"
我:"我而家淨係上到yahoo同一個香港論壇...連msn都上唔到"
有線員工:"要因應返唔同地區"
我:"咁點解我阿哥用新世界又上到台灣game同台灣網?"
有線員工:"唔好意思阿我地唔熟悉人地公司既架構所以我地都唔知點解"
我:"你地搞到我而家淨係上到兩個網~我仲要俾左錢買game既月費卡~但係又玩唔到~你地係咪要賠償呀??"
有線員工:"咁因為我地公司同電纜公司冇直接接觸~呢件事(指斷光纜)都唔關我地事~所以我地俾唔到咩野賠償你架"
我勁嬲...就cut左佢線

佢地推卸晒落人地度..但係我應該上到既香港網都上唔到~咁都唔賠償~我唔知可以點形容佢地~
咁既服務質素+態度~唔知仲會有咩人幫襯佢地~

之後我阿媽就醒目啦...電話線差唔多到期之前就通知左佢地唔會再續~(我唔知點解電話線同寬頻線唔係同時到期...)
and then轉左香港寬頻, 前兩日有線既人打黎

有線:"小姐你地既家用電話就快到期喇仲續唔續約呢?"
阿媽:"我咪通知左你地唔續囉~正式通知架~接受左架喇!!"
有線:"但係如果你續約我地可以俾返d優惠你架喎"
阿媽:"咩優惠呀?又係送來電顯示呀?咪搞啦~你地送得果一兩個月就cut~仲要唔通知人~"
有線:"唔會~邊有可能呀?小姐如果你續約我可以每月平d俾你架"
阿媽(勁嬲):"你地d咁既服務態度+咁既服務質素~唔駛錢我都唔用你地啦!!!!"
之後就cut左佢線

仲有一單case.. 我姨媽之前都同有線約左1年半約~ 但係用左1年未夠就搬屋, 搬到果度~有線話果度唔係覆蓋範圍, 所以用唔到寬頻, 咁我姨媽就話唔用呢間啦.. 點知個

接線生話"你地簽左約~就算唔用都要俾錢~"
我姨媽話"唔係我唔想用喎~而家係你地去唔到果個範圍~咁都要我俾錢??!!"
接線生"係呀因為你地簽左約"

最後都係傾唔掂數~我姨媽就好無奈咁交多半年錢~仲同佢講約滿唔會再用
點知約滿後同我阿媽一樣~佢地又話我姨媽冇通知佢地cut服務所以要佢俾正價200幾蚊

我姨媽就話:"一早講左我交埋果半年錢就唔會再用你地有線寬頻啦!!"
佢地就話:"你地要正式書面通知架..口講既唔接受..."我姨媽當堂啞左

結果書面通知完,仲要等佢地講既所謂6個星期工作時間
又要交多2個月錢
冇啦啦蝕左千幾蚊俾有線

所以~希望大家唔好貪平諗住平幾十蚊又上到網就用~, 一分錢一分貨~我呢個就係貼錢買難受既例子~, 我寧願俾多幾十蚊甚至100蚊200蚊~都唔會再用有線寬頻, 如果香港得返呢間公司我寧願以後唔上網~

以上轉截至: http://jkfashionguide.com/bbs/index.php?topic=3305.0;wap2

http://www1.2000fun.com/bbs/viewthread.php?tid=2304905&extra=page%3D1

大眾認同: 7 人       回應: 0 篇       觀看: 5638 次

誠信/責任感 : 3
服務態度/質量 : 3
儀容/環境衛生/整潔 : 沒意見
快捷速度 : 3
細心/全面性 : 3
價錢 : 沒意見

整體 3 分
 

評論者沒有提供任何相關證據圖片

 
我對本評論認同度:   高分代表更認同評論者的內容
大眾認同度 : 9.4分 (7人)
相關評論
【有線寬頻 i-CABLE】 質素差
服務 - 表演 娛樂 電影 藝術 @ 香港有線電視 CABLE TV Service
日期: 2014-06-04,   評分: 5,   大眾認同度: 7分 (3人)
【香港電台數碼地面電視廣播 RTHK DTT】 內容同亞視有得揮... 悶到爆炸
服務 - 表演 娛樂 電影 藝術 @ 香港電台 RTHK
日期: 2014-03-20,   評分: 2,   大眾認同度: 7.5分 (2人),   回應: 1
【許芯悅 Katie】 電影宜傳片美國奪獎
個人 - 表演 娛樂 藝術 模特兒 @ 香港有線電視 CABLE TV Service
日期: 2014-07-12,   評分: 7
【梁國雄 (長毛)】 公開場合打女人,打阿婆
個人 - 政治 @ 香港立法會
日期: 2014-07-06,   評分: 2,   大眾認同度: 5.7分 (18人),   回應: 2
【蘇美欣 Cry So Mei Yan】 傷害她人, 騙財騙色, 公關小姐
個人 - 表演 娛樂 藝術 模特兒 @ 獨立人士 獨立經營
日期: 2014-09-04,   評分: 1,   大眾認同度: 9.5分 (20人),   回應: 1
專題評論

冷氣機

除皺面霜

中國打貪

汽車

防毒軟件

手機 電訊

貓狗糧安全
請選擇評論類別