黑店!!!! 慘痛經歷
大家要小心一間叫倩美經絡養生減肥專門店既美容院,黑店黎既!!!!
我真係第一次嬲到上黎要叫人唔好上佢地當,受埋啲不必要既氣
話說,我見團購有幾平既按摩療程就試一次,話晒都市人都需要放鬆下....
$98自選三項養生美顔療程(原價$1280)
冬日養生舒活經脈、放鬆精神、緩解壓力、美肌排毒,自選服務,滿足不同要求。
點知....真係好委屈.....我買左四張優惠劵
首先,團購張野電話印錯....BOOK唔到既...係家用電話黎既,打左好幾次都比人話:你打錯
咁打去YAHOO團購問啦....
當打到既時候,佢話你咁遲,COUPON就過期,無晒位,只有3個時段,只可以每一個時段比我地上黎做...
咁當我問佢...咁仲有一張團購點算...我只係想確保我最後一張優惠劵可以用到
跟住佢就打電話黎鬧我啦....話:你遲BOOK,我只係可以比到三個位唔同時段比你,我可以再睇下最後一位點....(BILIBALA....上刪幾千字....我同我朋友想講幾句都唔得...又大聲又惡....
最後我講返佢地團購印錯電話,佢先肯比我地係第二啲時間BOOK兩個兩個上黎....
咁我就買左兩張比我媽媽同佢朋友去放鬆按摩下既...我都知佢有時會請人上屋企按摩...
咁見可以放鬆精神、緩解壓力、美肌排毒,當然買張比媽媽比佢嘆下啦
點知我媽媽去左唔夠五分鐘,就打黎話個師傅發脾氣走左....
跟住個個老闆娘就打黎同我講:我想講呢....你呀媽有精神狂躁症....我地都好屈委,佢叫個師傅細力啲,話痛,又唔知自己個背腫....跟住又反轉個身唔趴係度比人做....又教個師傅點做野....個師傅就發脾氣走左....你媽媽都係第一次做BODY...有咩理由教我地啲師傅做野
一.佢非常唔尊重,對人既既基本禮貌唔會話人地精神狂躁症,就算真係我媽錯,都唔會話人精神狂躁症....
二.叫佢細力啲,好過份咩?咁真係好痛MA...我比針吉親都會縮啦....唔通好痛叫佢細力啲好過份?唔通好痛仲要由佢繼續比佢大力禁?
做女就當然唔會由呀媽比人蝦....比人話精神狂躁症....我當然嬲返佢
其實,我都廿幾歲女,我媽媽可想然之都唔細,痛係實會架啦
唔好話我媽媽啦,連我同我朋友年青都覺得痛啦,我朋友條頸仲比人按到紅左,過左一日都仲痛緊...(我算受得力,但佢係用手肘全力禁落黎...
我媽媽叫左佢幾次細力啲,佢都唔肯仲係好大力...我媽媽心好驚,驚比佢整到腰骨同瘀
咁就真係好痛忍受唔到起左身反轉個身...想叫佢做手同膊頭....點知佢死命係咁大力禁氣頸,我媽媽就想叫佢做左手同膊頭...
之後個師傅竟然話:我唔識做呀!咁叻教我做野....你黎做呀....就走人....
之後...無搵其他人跟進....我媽個朋友仲做緊,一直叫佢細力,我媽等埋我朋友先走
個療程明明話係45分鐘...第二個師傅幫我媽媽朋友做左35分鐘就趕左我媽媽同佢朋友走...
如果唔係團購比左錢,我真係打死都唔比錢呀...
我都未見過有間公司可以咁對客人,可以話個客精神狂躁症架...仲要係自己唔岩....
呢間咁既野,免費,八人大橋載我去,我都唔會再做呀!!!
我講出黎,唔係拎返啲錢,係想大個評下理,比個公道...
我唔想大家比人呃比人蝦比人話精神狂躁症,請大家唔好去呢間野呀...唔係會後悔架....!!!以上轉截至: http://www.discuss.com.hk/viewthread.php?tid=21707296
大眾認同: 0 人 回應: 0 篇 觀看: 4885 次 |
|
|
誠信/專業性/廉潔 : | 沒意見 |
服務態度/質量 : | 4 |
環境衛生 : | 沒意見 |
快捷速度 : | 沒意見 |
企業社會責任/良心 : | 沒意見 |
價錢 : | 沒意見 |
整體 4 分 |
|